Bibliografía

Todas as revolucións mediáticas xeran unha mitoloxía e véndense socialmente como unha promesa, que adoita responder ao paradigma «unha solución en busca dun problema». A Web social non é a excepción.Como toda tecnoloxía adoptada de maneira masiva, internet cambia a cultura. A rede transforma os modos de crear, buscar, distribuír, acceder, compartir e recrear produtos culturais. Internet cambiou o modo de entender e de representar a realidade, e converteuse nunha parte esencial dela. Culturas dixitais analiza o impacto da internet, os móbiles e as redes sociais sobre a educación, a empresa, o emprego, a identidade, o xornalismo e a política. O libro achega unha mirada crítica e didáctica para facilitar a comprensión do alcance dunhas tecnoloxías que xa nos cambiaron a vida.