Que é a realidade? Como deberiamos vivir? Estes son os interrogantes que deron orixe á filosofía e que inquietaban a Sócrates, quen pasou os seus días desconcertando á xente nas prazas e mercados atenienses coas súas estrañas preguntas que facían ver ás persoas o pouco que realmente entendían. En corenta breves capítulos, Nigel Warburton realiza un apaixonante percorrido cronolóxico pola historia da filosofía occidental, presentándonos aos grandes pensadores e explorando as súas ideas sobre o mundo e como vivir mellor nel. Ofrécenos curiosas, e ás veces extravagantes, historias da vida e morte dos filósofos máis destacados, desde Sócrates, que elixiu morrer envenenándose con cicuta antes que vivir sen a liberdade de poder pensar en por si, ata Peter Singer, co seu provocador enfoque ético e filosófico do mundo actual. Warburton non só fai accesible a filosofía senón que nos axuda a pensar, debater e razoar sobre ética, política, liberdade ou relixión, temas que desde hai séculos ocupan un lugar central na historia do pensamento e que seguen sendo claves hoxe.