No bosque de Bellacorteza, no oco do carballo onde Archibald Zorro rexenta a súa librería, calquera animal que o desexe pode deixar o libro que escribiu e confiar en que algún día alguén o comprará. Desde que se lle escapan os recordos, Ferdinand Topo busca desesperadamente o libro que escribiu recompilando as súas memorias, para así lembrar que cousas fixo e quen foron os seus seres queridos. Só existe un exemplar, que deixou hai anos na librería. Pero un misterioso cliente acaba de compralo… Coa axuda de antigas fotografías, Archibald e Ferdinand séguenlle o rastro polo bosque, nunha viaxe onde se mesturarán soños, recordos e realidade.