By Vuillard, Éric. Pontevedra : Faktoría K 2018 . 115 p. , A medio camiño entre a ficción e o relato histórico, “A orde do día” ten como trasfondo a anexión alemana de Austria-Anschlussen 1938 e a Segunda Guerra Mundial, coa chegada previa de Adolf Hitler ao poder cinco anos antes e o apoio dos potentes industriais alemáns á maquinaria de guerra nazi. Paralelo á narración histórica, Éric Vuillard fai unha análise crítica e irónica dos acontementos, que tanto marcaron o devir actual. Tamén chama a atención sobre o factor do esquecemento, en tanto esas grandes corporacións colaboracionistas co rexime -que fixeron negocio coa contenda e usaron man de obra escrava nas fábricascontinúan producindo “os nosos coches, as nosas lavadoras e os nosos produtos de limpeza”, afirmou o autor. Non só non perderon, senón que esas marcas seguen presentes nas nosas vidas. As persoas pasan, pero os grandes capitais perduran. Trátase dunha novela cun ton intensa, onde nada é accesorio. No proceso de documentación, Vuillard recorreu a imaxes de arquivo, películas de propaganda nazi, documentos e transcricións cos xuízos de Nuremberg. Os episodios baseados na realidade mestúranse con anécdotas protagonizadas por personaxes anónimos, dotando a obra dun carácter versátil. “O mundo de hoxe é radicalmente distinto ao dos anos 30, mais as coordenadas parécense: somos testemuñas dun ascenso da autoridade e do racismo, da forte influencia das finanzas e dun empeoramento das desigualdades”, advirte o autor. ; 21 cm. 9788416721238