Notas de cada capítulo al final do libro.

Notas

Gústanos telo todo baixo control, pero á vez queremos que a vida nos sorprenda. Hai algoritmos para predicir o tempo, os atascos e ata o amor. Hainos que compoñen música e pintan cadros como os de Rembrandt. Algúns crean noticias falsas e outros predín a quen imos votar.
A medida que lles imos cedendo poder ás máquinas, máis nos preocupa todo aquilo que escapa do seu control. Por que os algoritmos non puideron prever a maior pandemia global? Que aspectos da nosa vida invadirá a intelixencia artificial tras o coronavirus? Canto do que nos rodea seguirá sendo imprevisible?
Con humor e espírito crítico, a xornalista Marta García Aller mergúllanos nunha procura fascinante do que significa ser humano nun mundo incerto dominado polas máquinas. O resultado é un libro imprescindible no que aparecen todo tipo de testemuñas do inesperado. Desde matemáticos, epidemiólogos e xenetistas ata lingüistas, avogadas e enxeñeiras. Hai unha nena de tres anos, varias empresarias de éxito e un ligón de Tinder, xunto a neurólogos, humoristas e algún que outro robot.
Os datos, como os oráculos, non sempre son de fiar e a miúdo atribuímoslles máis poder do que realmente teñen, pero tanto os seus acertos como os seus erros determinarán o noso futuro