Nora Krug adapta gráficamente o libro de Timothy Snyder "Sobre la tiranía" (Galaxia Gutenberg, 2017), coas vinte leccións claves que o historiador ofrece para actuar con consciencia individual e colectiva ante as ameazas xeopolíticas. Un manual fundamental para entender o declive moral dos Estados Unidos e o perigo do auxe da extrema dereita. O libro de Snyder, que se mantén desde a súa publicación na lista de máis vendidos do The New York Times e cultivou numerosos premios e eloxios da crítica, cobra agora nova vida grazas á extraordinaria man de Krug. Servíndose dalgúns dos momentos máis escuros da historia do século xx, desde o nazismo ata o comunismo, "Sobre la tiranía" condúcenos polos carreiros máis turbios do último século co obxectivo de radiografiar a orixe e a estrutura dos réximes ditatoriais do pasado para así botar luz sobre o autoritarismo do presente. Nunha época de grande incerteza e inestabilidade, esta edición gráfica de "Sobre la tiranía" salienta de forma aínda máis clara a importancia de ser participantes activos, conscientes e deliberados na resistencia contra o fascismo dos nosos tempos.