A política e o fútbol sempre foron da man. Desde os mundiais, onde se enfrontan seleccións estatais tras soar os seus respectivos himnos en grandes estadios, pasando polas copas con nomes de reis e presidentes, política e fútbol gardan unha inextricable relación desde o seu nacemento. Pero como é posible que un deporte mova tantas paixóns? Que o levou ao longo dos tempos para actuar como detonante de conflitos bélicos, catalizador de revolucións ou transformador social en lugares tan diversos como España, Xordania, México, Iraq, Ucraína, Arxentina ou Hong Kong?
Cun estilo ameno e gran rigor histórico, Toni Padilla lévanos nunha viaxe apaixonante polos cinco continentes para coñecer e entender a xeopolítica do fútbol a través das sorprendentes historias de corenta clubs, e, deste xeito, desentrañar as complexidades do deporte rei e o seu impacto político, social e económico das nosas vidas.